Nagkasabot an gobyerno han Pilipinas ngan Vietnam nga pakusgon an suplay han bugas kumo kaparte han long-term food security.
Sumala kan Agriculture Secretary Francisco Tiu Laurel Jr., kaparte han kasabutan an mas haluag nga plano han gobyerno agud mapakusog an trade partnership ha mga pangunahon nga agricultural partners han nasud.
Nabug-os han kasabutan mahuman an high-level discussions ha butnga han mga opisyal han Pilipinas, kaupod hi Presidente Ferdinand Marcos Jr. ngan Vietnamese Prime Minister Lê Minh Hưng ha sidelines han 48th ASEAN Summit ha Cebu.
Ha ilarom han usa katuig nga kasabutan, maghahatag an Vietnam hin sobra-kulang 1.5 metric tons nga bugas ha Pilipinas.
Ginlalauman nga makakabulig an kasabutan agud mapakusog an national buffer stocks ngan mapabilin nga marig-on an presyo han bugas ha butnga han nae-eskpersyensyahan nga presyur ha suplay.
Subay pa ha Department of Agriculture, ginlalauman nga maabot an syahan nga shipment han imported rice tikang ha Vietnam pag-abot han Abril 2027 kun mapinalisa an kasabutan.
