-- Advertisements --
INTERNATIONAL – Ginkakabarak-an utro han United Nations (UN) an padayon nga pagdamo han mga tawo nga nabakwit tungod han nagpapadayon nga araway ha Gaza.
Sumala kan Stephane Dujarric, tagapagyakan han UN Secretary-General Antonio Guterres, haros 200,000 na an nabakwit ha ira urukyan.
Sakop hini an haros ngatanan nga parte han Gaza tungod han waray hunong nga atake han Israel.
Lima la han ira mga truck nga may karga nga pagkaon ngan medisina an nakasulod ha Gaza.
An iba pa nga 60 nga mga truck in kinahanglan bumalik ha crossing tungod han grabe nga away.
Pakyas liwat hira nga pugngan an mga looters, kun diin pira nga mga taga Gaza an nangawat hin pagkaon ngan medisina nga para unta ha mga magsakit.
