Ginpahayag ni US Sec. of State Marco Rubio nga nahuman na han Estados Unidos an opensibo nga parte han gyera hini kontra ha Iran, haros usa ka-bulan mahuman ipatuman an “fragile ceasefire”.
Ginmalatumat hini nga human na an operasyon nga “Epic Fury”, mahitungod nga ginpasabot na ni US Pres. Donald Trump an kongreso kasumpay hini.
Nauna na nga ginpasabot han White House ha mga mambabalaud nga epektibo nga maghuman an kasamok mahitungod ha ceasefire, sanglit nalikayan an obligasyon umaro hin permiso ha Kongreso para ha extended nga operasyon ha sakob han 60 ka-adlaw.
Ha kaluyo hini, nagpahimatngun naman hi Donald Trump hin “major reprisals” kun umate an Iran ha mga barko han US, ngan ginpaanbit an “Project Freedom” agud buligan an mga sarakyan pandagat ha Strait of Hormuz kun diin nagpapabilin naman nga hitaas an tensyon.
Sumala pa kan Rubio, nga nakab-ot na han Estados Unidos an panuyuan hini ha kasamok ngan gitagan duon an grabe nga epekto hini ha ekonomiya han Iran, pero ginmalatumat naman hini nga karuyag pa ni Trump hin usa nga negosasyon.
