-- Advertisements --
INTERNATIONAL NEWS– Gin-aghat han United Nations human rights office an mga nasud nga agdumara hin imbestigasyon ha ginhimo nga pag-atake han Israel ha Lebanon.
Subay ha UN High Commissioner for Human Rights, posible nga tumalapas ha international humanitarian law an Israel mahuman an usa katuig nga napirmahan an ceasefire.
Gintutudlok han UN an ginhimo nga pag-atake han Israel ha Ein el-Hilweh refugee camp kun diin nadamay an 11 nga kabataan ha mga namatay.
Subay ha datos han UN mayda sobra 300 katawo ha Lebanon an namatay ha ginhimo nga pag-atake han Israel tikang han mapirmahan an ceasefire hadton Nobyembre 27, 2024.
