-- Advertisements --
WASHINGTON D.C., USA – aada la gihapon ha mga kamot ni US President Donald Trump kUn san-o mahuhuman an ira gyera ha Iran.
Ginmalatumat ni US Secretary of War (Defense) Pete Hegseth, nga waray katapusan an ira karuyag.
Hi Trump la daw an magdedesisyon ha paghuhuman han ira mga panuyuan ngan karuyag igpatuman.
Ginpasaringan gihapon ni Hegseth an mga Amerikano nga diri pabor nga kaupod nira an Israel.
Ginduon hini nga maiha na nga kaupod han US an Israel kun diin nakatutok la hira ha ira panuyuan ha pag-atake ha Iran.
Ginpahimatngunan gihapon hini an bag-o nga supreme leader han Iran nga hi Mojtaba Khamenei nga dapat bumaton ha panawagan ni Trump nga igundang na an paghimo hin bisan ano nga nuclear weapons.
