INTERNATIONAL – Ginkontra ni US President Donald Trump an plano han Israel nga patayon an Supreme Leader han Iran nga hi Ayatollah Ali Khamenei, sumala han mga opisyal han Estados Unidos.
Ini in ha butnga han nagpapadayon nga serye hin pagbalyuay hin mga atake ha butnga han Israel ngan Iran.
Sumala ha Pangulo han Estados Unidos nga mas karuyag yana han Amerika nga malikyan an araway.
Dida han weekend, una na nga ginbuyagyag han usa nga hitaas nga opisyal han US nga mayda higayon an mga pwersa han Israel nga patayon an supremo nga lider han Iran.
Kasumpay hini, nakipagsumpayan an US ha Israel ngan ginmalatumat hini nga nabaribad hi Trump ha mao nga plano rason amo waray ini igpadayon.
Sumala ha tagapagyakan ni Prime Minister han Israel nga hi Benjamin Netanyahu, an mga sumat mahitungod han gin-aalegar nga pagkontra ni Trump ha plano han Israel in “fake” news o diri kamatuoran.
