TACLOBAN CITY – Patay an usa nga tindera ha merkado, mahuman ine nga bun-on han iya igkasi-tindera.
Ginkilala an suspek kan alyas MC usa nga parag tinda ha merkado nga residente han Brgy. Buray Paranas Samar.
Samtang ginkilala naman an biktima kan alyas Lea 47 anyos an pangidaron ngan residente han Brgy 99 Diit Tacloban City
Sumala kan PLTCOL. Allan Camasin, Information Officer, Tacloban City Police Office, nga subay han imbistigasyon nagawas nga nag away ini nga biktima ngan suspect tungod han utang nga waray ka bayari han suspect.
Tungod ha kapaso han nagin argumento han duha, nagresulta ine hin pan-buno han suspect ha biktima ha dughan nga nag- resulta han dayon nga kamatayon.
Hapagkayana, padayon nga ginhahalpat an suspek, nga dayon kumalagiw mahuman an nasabi nga panbuno.
