Tarihas ha nauna niya nga pahayag nga posible dire na dumalagan ha 2028 elections, ginmalatumat ni Mariel Padilla nga dire pa magre-retiro ha politika hi Senador Robin Padilla.
Ha usa nga podcast ni Sen. Imee Marcos dida han Mayo 16, iginduon ni Mariel nga padayon la gihapon nga mayda misyon an iya asawa ha gobyerno ngan ha mga adbokasiya nga gintikangan hini.
Dugang pa niya, mayda mga higayon nga nahuhuna-hunaan niya nga mas maupay igpadayon nala ni Robin an iya termino ha Senado mahitungpd ha mga sektor nga naglalauma ha iya serbisyo.
Gin klaro gihapon ni Mariel an iya nauna nga pahayag kasumpay ha “they don’t deserve him” nga natudlok ha mga tawo nga nagyakakan hin negatibo kontra ha iya asawa kumo magbabalaod.
Manunumduman nga syahan nga ginmalatumat ni Sen. Robin nga plano niya humirayop ha pulitika ngan lumakat ha nasud mahitungod ha pagkadismaya ha sistema.
Pero ginbawi ini niya ngan ginpahayag nga pwede hiya dumalagan ha mas hitaas nga posisyon, sugad han bise presidente, kun hahangyuon ini han anay presidente Rodrigo Duterte.
