Ada na ha maupay nga kabutang an usa nga minasus-an nga babayi mahuman ini nga ginbayaan ha luyo han usa nga nakaparada nga pick-up multicab, ha syudad han Tacloban dida han mga nakalabay nga adlaw.
Basar han impormasyon, nga han panginanuon han tag-iya han nasabi nga multicab an iya sarakyan nga nakaparada ha gawas han iya balay, in napansin niya an usa nga paper bag.
Han iya ini ginkita an sakob, in nahikalasan nala ini nga mayda bata kun diin, dayon naman ini tumawag hin pulis.
Gindara naman an nasabi nga minasus-an han mga kapulisan ha EVMC kun diin, mahuman ini magpatambal hin pira ka-adlaw, in ginbunyagan naman ini ngadto ha pangunguna han mga doktor han nasabi nga ospital.
Ha pagkayana in padayon naman iton imbestigasyon han mga otoridad agud matudlok kun hin-o naman an nanay han ginbilin nga bata.
