Gintudlok han Samahang Basketbol ng Pilipinas hi Burke “BT” Toews kumo bag-o nga head coach han Gilas Pilipinas Women.
Sasaliwanan ni Toews hi Patrick Aquino nga maiha gihapon nga nagmangulo ha national team ngan bumuliga ha pag-abante han Gilas Women ha international basketball scene.
Nakilala hi Toews ha iya malinangpuson nga pagmamangulo ha Fujitsu Red Waves han Japan kun diin nadaugan nira an magkasunod nga kampeonato dida han 2024 ngan 2025.
Ginlalauman nga pangungunahan niya an kombinasyon han beterano ngan bata nga player han Gilas Women kaupod hira Jack Animam, Afril Bernardino, ngan Kacey Dela Rosa.
Presente nga ada ha ika-30 nga pwesto ha world ranking an Gilas Women mahuman an malinangpuson nira nga kampanyang ha magkadirud-dilain nga international tournaments yana nga tuig.
