INTERNTIONAL NEWS– Nagtitirok ha kabisera han Thailand Bangkok an sobra 17,000 nga mga protesters agud nga hangyuon an pagbul-iw ha iya pwesto hi Prime Minister Paetongtarn Shinawatra, nga nagpapa grabi nga nakaka-apekto ha ekonomiya han nasabi nga nasud, matungod ha kasamok ha usa nga border dispute kontra ha kasapit hine nga nasud nga Cambodia.
Sumala kan Panthrep Pourpongpan, lider han mga nagprotesta ha Bangkok, ginhahangyo nira an pagbul-iw ni Shinawatra, matungod ha iya dire pagigin epektibo nga tagmangulo.
Ine naman in mahuman nga magkamayda hin dire pagkaka-intindihay hiton Thailand ngan Cambodia, kasumpay ha ginpapag-agawasn nga parte han teritoryo ha ira mga borders.
Dayon naman nga nanawagan an mga grupo nga makabayan ha Thailand nga magbul-iw hi Shinawatra mahuman ine nga igsukna an usa nga kumander han hukbong sandatahan han Thailand nga magpa-ubos kan anay lider han Cambodia nga hi Hun Sen ha usa nga nag-leak nga tawag ha telepono.
