TACLOBAN CITY– Nagdumara an Tacloban City Police Office, hin Ceremonial Destruction ngan disposal han mga nakumpiskar nga ginpapagbawal nga paburothon sugadman mga Pyrotechnic Device ha Brgy. 25 Paterno Extension Tacloban.
Sumala kan Tacloban City Police Office, Information Officer, PLTCOL. Allan Camasin, an mga nakumpiskar nga improvised pyrotechnic device in ginpanguba, samtang an mga paburothon in ginbabad ha drum nga maysulod nga tubig.
Dugang pa hine, kahuman han nasabi nga panguba han mga ginpapagbawal nga paburothon ngan pyrotechnic device in ginlubong ine ha usa nga compost pit ha ligid hiton TCPO.
An nasabi nga aktibidad in usa nga mahinungdanon nga pitad pakadto ha mas talwas ngan responsable nga komunidad.
Nagpahinumdom naman ine ha publiko nga padayon nga magsunod ngan magin vigilante ha tanan nga panahon ngan unahon an katalwasan ha tanan nga higayon.
