Utro nga nagdeklara hin outbreak hin Ebola ha Democratic Republic of Congo kun diin, maabot ha 246 nga kaso an naitala kundiin, aada ha 65 katawo na an naawat an kinabuhi.
Subay ha Africa Centres for Disease Control and Prevention (Africa CDC), kaudgan ha mga namatay in tikang ha Mongwalu ngan Rwampara, an gold-mining nga mga lugar ha Ituri province.
Samtang, nagpatawag naman hin meeting para ha mga kahjgrani nga lugar han Congo sugad an Uganda, South Sudan ngan pira nga mga international partners agud pag iristuryahan an mga prioridad.
Kaupod ha mga pag hihingadayan an response efforts ngan cross-border surveillance.
Siyahan na nga nadiskubre an Ebola dida han tuig 1976 ha DR Congo nga daw tikang ha mga paniki.
Ini in pan ika 17 na nga naitala nga outbreak han nakakamatay nga sakit ha nasud.
Samtang, gin amin naman han World Health Organization (WHO) nga waray pa medisina para ha nasabi nga sakit kundiin, an fatality rate hini in aada ha ay 50 percent.
