-- Advertisements --
TACLOBAN CITY – Nanawagan an pamunuan hiton Tacloban City Hospital ha mga kag-anak nga diri mahadlok nga pabakunahan an ira tagsa mga anak.
Sumala kan Dra. Joedina Gumagay, head han Tacloban City Hospital, diri dapat ig-deprive han mga kag-anak an ira mga anak ha pagpapabakuna kontra COVID-19 lugod in aghaton an mga ini tungod nga dako ini nga bulig para ha ira.
Dako ini nga bulig yana ha pag iimplementar han limited face to face classes agud nga matagan an mga ini hin proteksyon kontra han virus.
Pahayag pa hini, kinahanglan nga tagan hin higayon an mga kabataan nga mabakunahan agud malikyan an pagkakatapon-tapon han virus labi na ha pagtitikang han ira klase.
