TACLOBAN CITY- Ginmalatumat han Tacloban City Hospital, nga abre an ira buhatan para ig-akomodar adton mga rehistrado han YAKAP Program, para ma-atimanan an mga ine kasumpay hiton ira panginahanglan medikal.
Sumala kan Dra. Gloria Fabrigas,Acting Chief of Hospital Tacloban City Hospital, kinahanglan la han publiko nga magparehistro han YAKAP Program, agud nga makatagamtam hin libre nga konsultasyon sugad hiton laboratory, ultrasound , screening han kanser, X-ray, check-up, fecalysis, diagnostic test, CBC , lipid profile, urinalysis ngan iba pa.
Dugang pa hine, para hadton mga dire pa rehistrado kinahanglan la nira magpa rehistro ha eGovPH nga app, o dire ngani in bumisita ha ira buhatan matungod nga mayda hira nakatudlok nga opisina para han mao nga programa.
Kinahanglan hine nga programa in miyembro an usa nga indibidwal ha PhilHealth agud nga makapag-reshirto.
An YAKAP Program in naka-pukos ha preventive ngan promotive, ngan na-asister gihapon hira ha paghahatag hin assestment para hiton family planning, smoking cessation, ngan iba pa.
Mababaruan nga an YAKAP Program o (Yaman ng Kalusugan Program) in usa nga benepisyo nga nag-aatiman ha tanan nga miyembro han PhilHealth.
