TACLOBAN CITY– Patay an usa nga suspek, mahuman ine nga umato ha kapulisan ha Brgy. Labrador Ormoc City.
Sumala kan Ormoc City Police Station 2, Station Commander, PCapt Rodolfo Mercolita, nagdumara hira hin hot-pursuit opeation ha nasabi nga suspek, kun diin ira ginhimo an ngatanan agud nga sumurender ine, lugod in ginpusil hine an usa nga pulis, rason han pagdepensar hiton kapulisan ha ira kalugaringon, nga nagresulta naman hiton kamatay han suspek.
Dugang pa ni Mercolita, una hine naka-karawat hira hin report tikang ha Barangay San Jose, Ormoc City, nga may natabo nga shooting incident diin dayon hira nga nagdumara hin pagresponde.
Ha ira pag-abot ha crime scene, waray na an suspek, ngan maabot 5 nga basiyo hiton bala an ira natad-an ha nasabi nga lugar.
Waray naman ka-igo an biktima nga plano patayon han suspek.
Mababaruan, nga an suspek in mayda dara nga 2 nga klase hiton pistola, ngan subay pa hiton record han kapulisan, anay na nadakop an suspek nga kanit hiton ilegal nga droga han nakalabay nga tuig.
