Sumaka na ha P18.49 trilyon an kabug-usan nga utang han gobyerno han Pilipinas ha paghuhuman han Marso 2026, sumala ha Bureau of the Treasury.
Mahitaas ini hin P328.43 bilyon o 1.81% tikang ha P18.16 trilyon dida han Pebrero, ngan mas hataas hin P1.81 trilyon o 10.81% kumpara ha P16.68 trilyon ha parehas nga bulan dida han nakalabay nga tuig.
Sumala ha BTr, an paghitaas hini in durot han pagluya han piso kontra ha dolyar nga nakagdugang hin haros P299.5 bilyon nga foreign currency-denominated debt, labot pa ha net issuance han government securities.
Ha kabug-usan nga utang, 67.8% o P12.53 trilyon in tikang ha domestic debt, samtang 32.2% o P5.95 trilyon in tikang ha external debt.
Basar ha Budget o Expenditures and Sources of Financing 2026, ginlalauman nga maabot ha P19.06 trilyon an utang han nasud ha paghuhuman han tuig.
Ginlalauman naman nga magpapagawas hin notisya an economic managers han gobyerno kasumpay hini nga development.
