TACLOBAN CITY- Maabot ha nagkakantidad nga Php33.39 billion nga kantidad han mga renewable energy projects ha Sinirangan Bisayas an plano nga pagtukuron nga kun diin, ginlalauman nga magreresulta naman ini para makabawi an ekonomiya han rehiyon mahuman an nahipatik nga paghinay hini dida han 2025.
Sumala kan Department of Economy, Planning, and Development (DEPDev) Regional Director Meylene Resales durante han pakipaghimangraw han Philippine News Agency (PNA) nga gin approbaran han Board of Investments han rehiyon an tulo (3) nga mga dagko nga mga renewable energy projects ha iba-iba nga parte han Sinirangan Bisayas.
Kalakip dinhi an PHP2.7-billion, 250-megawatt (MW) Sunpalo Solar Power Project in Barangay Guinciaman, San Miguel, Leyte nga pagtitindugon ha 400-hectare site nga mayda 250 hectares nga una na nga gin alutaga para han pasilidad; PHP29-billion, 304-MW Gemini Wind Power Project ha Calbayog City, Samar ngan San Isidro, Northern Samar; ngan an PHP1.8-billion, 120-MW Victoria Green Power Corp. solar photovoltaic (PV) plant ha Babatngon, Leyte in ginkakalakipan hin ground-mounted solar PV modules, inverters, transformer systems, switchgear, ngan substation.
Samtang, an Gemini Wind Power Project, nga nahihimutang ha Samar–Northern Samar boundary, in expansion naman han nagpapadayon nga PHP19-billion, 206-MW San Isidro Wind Project, nga joint venture han Vena Energy, Vivant Energy, and Aboitiz Renewables nga kun diin, an expansion in magdudugang hin 38 nga mga wind turbine generators nga kada usa mayda kapasidad nga 8 MW, nga magdudugang ha presente naman nga 33 turbines nga aada ha 6.25 MW an kada usa.
Subay pa ha report han Philippine News Agency, plano han Energy Development Corporation nga mag invest hin Php30 billion para ha pag rehabilitate ngan pahaluagon pa an Leyte Geothermal Production Field nga nahihimutang naman ha Kananga, Leyte.
“These developments will not only generate jobs and attract investments but also strengthen Eastern Visayas’ role in the country’s energy landscape and support other industries,” yakan ni Rosales subay ha PNA.
(With report from Philippine News Agency: https://www.pna.gov.ph/articles/1274334)
