Gin aghat ni Presidente Ferdinand “Bongbong” Marcos Jr. an igkasi lider han nga nasud nga kaapi ha Association of Southeast Asian Nations (ASEAN) nga pag-adman ngan pagkaurusahan an pinakamaupay nga pitad para ha rehiyon samtang nagpapadayon an kasamok ha Middle East.
Ha pag-aabri han 48th ASEAN Summit ngan mga kasumpay nga pagharampang, ginmalatumat ni Presidente Marcos nga naatubang yana an mga nasud ha dako nga ayat mahitungod ha epekto han kasamok ha Middle East ha mga residente han rehiyohn.
Sumala ha Presidente, mas nagigin maluya an sitwasyon ha Middle East, sanglit kinahanglan magin andam ngan madagmit makisabay an mga nasud ha mga pagbabag-o nga durot hini—mga pagbabag-o nga posible makaapekto ha panginabuhi, pakabuhi, ngan magin ha kinabuhi han mga katawhan.
Dugang pa hini, napiritan na an kada nasud nga bag-uhon ngan aydon an ira mga paagi han pagbaton ha mga nakalabay nga bulan. Sanglit, importante nga magkaurusa an mga lider yana agud panginanuon an nasabi nga mga pagbabag-o ngan magbiling hin pinakamaupay nga direksyon agud atubangon an kabubwason kumo usa nga nagkakaurusa nga rehiyon.
