Sumala kan TINGOG Party-list Rep. Jude Acidre, ada ha 200 o 2/3 han 318 nga mga kongresista an ginlalauman nga masuporta ha impeachment kontra kan Vice President Sara Duterte.
Dugang pa ni Acidre, basar ha ira monitoring in dire maubos ha 180 ngan posible umabot ha 215 an mabotos nga pabor ha pagpapa-impeach kan VP Sara.
Duon pa hini, an pagsuporta han kadam-an han mga kongresista ha impeachment in mahuman nga gumawas ha impeachment hearings an mga ebidensya ha mga alegasuon nga nakasulod ha impeachment complaints.
Natuod hi Acidre nga adton mga nagruruha-duha pa han una in nalamragan na ngan naaghat nga mayda basaranan an mga akusasyon kontra kan VP Sara ngan mayda basaranan agud maipadara ha Senado an Articles of Impeachment.
Natapod naman hi Acidre nga an mga kaupod niya nga magbabalaod in magdedesisyon basar ha ebidensya, rason, ngan ikauupay han nasud.
