MACARTHUR, LEYTE – Ginmalatumat ni Abuyog, Leyte Sangguniang Bayan Member, Hon. Rodulfo Cabias, nga mahugot nga gindidire han molupyo han MacArthur ngan mga kahirani nga munisipalidad an pagbalyo han dako nga dredger boat ngadto ha guruguti agud mapadayon an pagtikang han pagmina han black sand ha MacArthur, Leyte.
Sumala kan Cabias nga an rason han pagbalyo ha guruguti nga dredger han mining company in mahitungod nga nahadlok an mga residente han MacArthur ngan an mga kahigrani nga lugar, ha dako nira nga dredger.
Pero ginduon ni Cabias nga klaro nga nadire iton mga molupyo nga igpadayon an pagtikang han pagmina ha lugar mahitungod nga posible ini magresulta hin mga problema pankaribungan ngan pakabuhi ha mga residente.
Dugang pa hini nga mahitungod nga suspindido an pagmina, karuyag han mining company nga patabukon pa an dredger ha kaluyo nga parte han MacArthur, Leyte agud mapull-out ini imbes nga magpabilin nga naka-tengga.
Pero sumala pa kan Cabias nga ini in usa la nga rason han kumpanya, dugang hini nga puydi maka-atras an dredger hin dire matabok pa ha kaluyo nga parte han bungto, pinaagi han siyahan nga gin-agian hini.
Samtang, mahugot gihapon nga ginduon ni Cabias nga bisan man mayda mga dokumento an mining company, in puydi bumaribad ngan may katungod an lokal nga pangobyernuhan ngan dire aprubaran ini.
