TACLOBAN CITY – Ginpahayag han Tacloban City Hospital nga padayon an ira nakakarawat nga mga pasyente ha syudad nga may mga summer diseases o sakit nga nahurak ha kada mapaso an panahon.
Sumala kan Joedina Gumagay, head han Tacloban City Hospital, may pira nga mga pasyente nga nacoconfine tungod han mao nga mga summer diseases sugad han gastroenteritis, asthma, pneumonia ngan pinakacritikal naman an heat stroke, sunburn ngan sore eyes.
Damo gihapon an mga nadangop ha ira ospital nga mga pasyente nga nagpapainject mahuman nga makagat hin mga ayam.
Kasumpay hini, in nanawagan naman an mao nga opisyal nga mag-ikmat ha mao nga mga summer diseases labi na gud ha heat stroke pinaagi han paglikay ha pagpinasirak hin duro labi na kun mapaso hin duro an panahon sugadman an pag-inom hin damo nga tubig ha kada adlaw.
