INTERNATIONAL NEWS- Ginsirotan nga guilty han International Criminal Court (ICC) hi Ali Muhammad Ali Abd-Al-Rahman, mas kilala kumo Ali Kushayb, ha 27 nga kaso han war crimes ngan crimes against humanity kasumpay han maanomalya nga mga krimen ha Darfur, Sudan tikang han Agosto 2003 – Abril 2004.
Hi Kushayb in anay hitaas nga opisyal han Janjaweed, usa nga armado nga grupong nasuporta ha gobyerno han Sudan ngan kilala nga dabi ha brutal nga kampanya kontra ha mga rebelde nga grupo ha Darfur.
An giyera in nagtikang han 2003 han magkamayda hin gios protesta an grupo hiton etniko nga African kontra ha Arab-dominated nga gobyerno han Khartoum.
Kumo baton ginlunsar han gobyerno an scorched-earth campaign nga ginkakalakipan han aerial bombings ngan pag-atake han Janjaweed ha mga komunidad.
Subay ha ICC, hi Kushayb in dire nagmando hin pag-atake kundi personal ine nga naki-usa ha mga pagpatay, pan -rape ngan torture.
Kalakip ha mga krimen nga ginpasaka in murder, rape, torture, persecution, ngan forcible transfer of population.
Mababaruan nga ine an syahan nga sirot han ICC kasumpay han Darfur conflict ngan syahan nga conviction para ha gender-based persecution ha kasaysayan han korte.
