-- Advertisements --
BUSINESS – Lauman an ikatulo nga rollback ha presyo han diesel ha masunod nga semana.
Ini in ha butnga han mga serye han global oil price shocks mahitungod ha tensyon ha Middle East nga nakakaapekto ha presyo han lana ha lokal nga merkado.
Basar ha trading, ginlalauman nga maiibanan hin P8 kutob P10 ha kada litro ha presyo han diesel.
Pero ha gasolina in nakikit-an nga magkakamayda hin posible nga paghitaas hin P1 kada litro o waray pag-kiwa.
Ig-aanunsyo naman han mga kumpanya han lana an opisyal nga presyo han mga produkto hiton petrolyo ha Lunes ngan igpapatuman naman ha adlaw han Martes.
