Patay an Defense Minister han Mali nga hi Sadio Camara mahuman an suicide truck bombing ha iya balay harani ha bungto han Bamako, kadungan han haluag nga coordinated attacks ha magkadiru-dilain nga parte han nasud.
Subay ha report, usa nga sarakyan nga puno hin pampasabog an bumunggo ha residence han opisyal ha Kati, nga ginpapahayag gindumara han mga militante nga grupo nga konektado ha al-Qaeda.
Namatay gihapon an pira nga membro han iya pamilya ngan iba pa nga sibilya mahuman nga lumaprak an parte han establisyemento ngan maapektaran an kahirani nga mosque.
Gin kumpirma di pala maiha han state media nga hi Camara in namatay mahitungod ha gin angkon nga samad mahuman nga makig-away pa ha mga umatake ugsa hiya mamatay ha hospital.
Labot kan Camara, iginbakwit gihapon hi junta leader Gen. Assimi Goïta mahuman targeton an iya balay.
An dudrungan nga opensiba in iginsusumpay ha mga jihadist group nga konektado ha al-Qaeda ngan Islamic State, pati na gihapon ha separatist group nga Azawad Liberation Front nga nago-operate ha hilaga nga parte han nasud.
Kadungan hini, nahipatik gihapon an pag-atras han mga Russian mercenaries nga kaupod han militar ha Mali tikang ha pira nga lugar ha Kidal mahuman an pira kaadlaw han kasamok, sugadman in waray pa opisyal nga kumpirmasyon tikang ha Russia.
