IWATE, JAPAN – Lumarab an duha nga sunog ha kapuno-an han Iwate Prefecture, Japan nga nagtikang dida han Miyerkules kun diin maabot ha 1,176 ka-ektrarya an kahaluwag han sunog kutob dida han Biyernes (PH local time) rason agud ig-evacuate an sobra 1,000 ka-residente.
Basar ha report, naganap an sunog ha Kozuchi District ha syudad han Otsuchi dida han nakalabay nga kulop.
Madagmit an pagsarang hini ngan naapektaran an pira nga mga bulding ngan an kahirani nga kapuno-an.
Pira ka-oras mahuman hini, usa pa nga sunog an naglarab ha mabukid nga parte han Kirikiri District, kun diin aada ha sobra 10 ka-kilometro an kahirayo ha siyahan nga nasunod nga kapuno-an.
Mahitungod ha kadelekaduhan, ginsagdunan han lokal nga pangobyernuhan han lugar an mga residente tikang ha 556 nga kabablayan nga mag-evacuate, partikular na an mga naka-ukoy harani ha ikaduha nga lugar nga nasunog.
