Naiuli na ha Kolambogan, Lanao del Norte an patay nga lawas han usa nga Pilipina nga kaupod ha mga namatay han nahinabo nga missile attack ha Haifa, Israel dida han Abril 5, 2026.
Ha butnga han nagpapadayon nga gyera ha Middle East, in upod ha mga namatay hi Lucille Jean Olasiman-Gersovich, an asawa hini, ngan an iya mga ugangan.
Duro an kasubo nga gin-aabat han mga kag-anak ni Lucille mahuman mahisabutan ha Embahada han Pilipinas ha Israel an nahinabo ha ira anak.
Sumala kan Lucita Olasiman, maul-ul para ha iya nga nawad-an hiya hin anak sugad man damo nga mga inosente an nahidamay mahitungod han giyera han Amerika ngan Israel kontra Iran.
Gin klaro pa han pamilya ni Lucille nga diri ini usa nga nurse. Bumalhin an ira anak ha Israel unom ka bulan na an naglabay mahuman pakaslan han iya asawa nga Israeli nga nakilala niya ha Cebu.
