Naaresto na han mga otoridad an usa nga 31-anyos nga ginkilala nga hi Cole Tomas Allen, nga daw dabi ha nahinabo nga pamumusil ha White House Correspondents’ Dinner ha Washington, D.C. kun diin presente nga na didto hi President Donald Trump, First Lady Melania Trump, ngan mga opisyal han administrasyon.
Talwas naman han nahinabo nga insidente hi U.S. President Donald Trump sugad man dayon ini nga igin evacuate kaupod hira First Lady Melania, Vice President J.D. Vance, ngan mga miyembro han gabinete samtang natago ha ilarom han lamesa.
Gin pugngan naman han Secret Service an suspek nga armado hin handgun ngan mga kutsilyo. Samtang, usa naman nga ahente han Secret Service an naigo pero dayon naman ini nga nakatalwas mahitungod ha sul-ot hini nga bulletproof vest.
An mao nga insidente in nahinabo ha pareho nga hotel kun diin gin proybaran patayon hi President Ronald Reagan dida han tuig 1981.
Ini na an ikatulo ka beses nga gin target hi Trump hin pag-atake, kaupod na an insidente ha Butler, Pennsylvania rally dida han 2024.
Padayon naman an gin hihimo nga imbestigasyon han FBI agud matudlok an motibo han suspek.
Ha lain nga bahin, nagpasalamat naman hi Trump ha madagmit nga aksyon han mga awtoridad ngan igin malatumat nga ire-reschedule an mao nga dinner ha sakob hin 30-diyas.
