Usa nga content creator ha Brazil an gin aresto han mga otoridad mahuman gumawas ha imbestigasyon nga himo-himo la hini an iya kalugaringon nga kidnapping kabulig an pira nga mga armado na lalaki.
Dida han Abril 21, 2025, igin pahamtang ni Monniky Fraga ha iya followers an daw makahiradlok nga eksperyensya nira han iya asawa nga hi Lucas. Mahitungod nga daw gin tapo ini hira hin tulo nga armado na mga lalaki harani ha ira balay, ngan gin dara ha usa nga kabanwaan, ngan didto gin tarhog nga palatayon kun diri magbabayad hin ransom.
Gin tagan la an nga ini hin tyansa nga makagawas mahuman mag hatag hin kuwarta an ira pamilya
Mahuman an insidente, dayon nga dumiretso ha mga otoridad an kastigado nga hi Lucas agud pormal nga magreklamo.
Pero han hilarom ng imbestigasyon han Special Operations Group (GOE), in gumawas an kamatuoran. Nahibaruan ha phone records an consistent nga komunikasyon ni Monniky ha usa ha mga “kidnapper” ugsa ngan kahuman han krimen.
Sumala ha mga otoridad, usa la ini nga sabwatan ha butnga han influencer ngan mga suspek.
An tinuod nga biktima han insidente in an iya asawa nga hi Lucas, mahitungod nga waray ini hibabruanan han plano, ngan tumuod nga nanenelikado an ira kinabuhi ngan nakaeksperyensya pa hin pangastigo.
Mahuman an haros usa ka tuig, gin aresto hi Monniky ha mga kaso nga extortion, procedural fraud, ngan filing a false police report. Aada naman na ha kustodiya han mga otoridad an usa nga kaupod hini, samtang naawat naman na an kinabuhi han usa pa, ngan padayon naman pa nga gin hahalpat han mga otoridad an ika-tulo.
