INTERNATIONAL – Sumaka na ha 150 Pilipino an na-displace ha nagpapadayon nga wildfires ha Los Angeles, California USA nga pumatay ha 24 nga kinabuhi.
Sumala kan Los Angeles Consul General Adelio Angelito Cruz, temporaryo nga nag-uukoy an nasabi nga mga Pilipino ha magkadurudilain nga evacuation centers ngan lakip an mga ha igin-pailarom ha mandatory evacuation.
Nabulig naman iton mga otoridad ha mga biktima han sunog nga makabiling hin long-term housing matungod nga kadam-an dinhi in nawarayan hin balay.
Dugang pa ni Cruz nga nakikipag-sumpayan na gihapon hira ha mga Filipino-American organizations agud mabulign an mga biktima nga makatara hin panibag-o nga trabaho.
Samtang, igin-mando naman han Department of Foreign Affairs (DFA) nga magpadangat hin emergency assistance nga nakantidad $200 ha kada Pilipino nga naapektaran han nasabi nga wildfire.
