-- Advertisements --
INTERNATIONAL – Ginpagawas han Vatican an siyahan nga ladawan ni Pope Francis samtang ini in aada ha ospital la gihapon hin sobra usa ka-bulan na.
Ha mao nga ladawan in makikita nga ang-aampo an 88-anyos nga Santo Papa ha chapel han Gemelli hospital ha Rome.
Makikita gihapon nga nakasul-ot hin stole o an bado han mga padi kun mayda misa.
Dugang pa han Vatican nga ini an siyahan nga higayon nga nagin concelebrator o namuno ha misa ha chapel an Santo Papa.
Samtang, nagpapadayon naman an pagpapaupay ngan therapies han Santo Papa kun diin dire hira sigurado kun san-o hira tutugutan han mga doctor nga makabalik na ha Vatican.
