Usa nga 23-anyos nga medical student ngan Youtuber tikang ha Germany an nakaghipatik hin bag-o nga Guinness World Record mahuman hini bug-uson an usa nga Rubik’s Cube samtang naka-freefall ha kalaksi nga sobra 100 mph.
Nahimo hi Tom Kopke ng humaon an cube puzzle ha sulod han 23.333 seconds samtang nagpapatihulog ha kalangitan han Mossel Bay ha South Africa. Ginpirder hini an anay record nga 28.250 seconds nga nahipatik dida han 2023.
Sumala kan Tom, akos niya bug-uson an puzzle ha sulod la hin siyam kasegundo kun aada hiya ha tuna, pero nagin dako nga ayat an paghimo hini ha ere mahitungod ha kakusog han hangin. Agud malikayan an wind resistance, gin suhestyon han iya instructor nga bug-uson niya ini samtang nakatalikod o naka-backflying ha hangin, bisan pa man kun mas makaharadlok ini mahitungod nga dire niya nakikita an iya lalaprakan nga tuna.
Ha kaluyo han pagkabaraka nga mabul-iwan an cube, nagin malinangpuson an iya pagpatihulog. Pag-abat ni Tom, umabot hiya hin bug-os nga minutos ngan 23 seconds samtang nakada ha ere.
Mahuman an kalangpusan, ginplano naman hini nga makaghipatik hin panibag-o nga rekord pinaagi han pagbug-os hin puzzle cube samtang nadalagan ha marathon.
