TEHRAN, IRAN – Unom nga tanker nga may karga nga Iranian oil an ginpabalik ha Iran dida han mga nakalabay nga adlaw mahitungod ha US blockade, sumala ha ship-tracking data, nga nagpapakita hin grabe nga pagkadelatar ha kiwa han mga barko ha Strait of Hormuz.
Ugsa an US-Israeli war ha Iran dida han Pebrero 28, aada ha 125 kutob 140 nga barko an naagi ha mao nga strait kada-adlaw. Ha mga nakalabay nga mga semana, haros pito nala an nakakaagi ngan waray ha mga ini an may dara nga lana para ha global market.
Manunumduman nga dida han Abril 13, nag-anunsyo an US hin blockade kontra ha mga Iran-related shipping samtang, nagpatuman gihapon hin kalugaringon nga restrictions an Iran ha lugar.
Sumala ha mga ship broker, parehas nga nasud an nakakaapekto ha kiwa han maritime traffic, may mga barko nga ginbabalabgan han Iran ngan mayda gihapon gin pupugngan han US.
Maabot naman ha ginatos-gatos gna barko ngan aada sobra 20,000 seafarers an nai-stranded ha Gulf, samtang nagpahimatngun an International Maritime Organization nga nagtitikadako an kadelekaduhan han aksidente ngan environmental disaster kun magpapadayon an sitwasyon.
