Utro nga naglamrag an Filipino music scene ha international stage mahuman tagan an Pop girl group nga BINI hin Global Force Award ha Billboard Women in Music nga ginbuhat ha Hollywood Palladium ha Los Angeles.
An pagkilala an ginhatag han English model ngan aktres nga hi Cara Delevingne ha atubangan han iba pa nga kilala nga singers ngan producers tikang ha magkadiru-dilain nga parte han kalibutan.
Kaupod ha iba pa nga gintagan hin pagkilala ha event an The Beaches (Global Force), Zara Larsson (Breakthrough), Mariah The Scientist (Rising Star), Tate McRae (Hitmaker), Ella Langley (Powerhouse), Laufey (Innovator), Kehlani (Impact), Thalía (Icon), ngan Teyana Taylor (Visionary).
Ha ira acceptance speech, ginmalatumat han BINI an pasasalamat ha Billboard ngan gin halad an pagkilala dire la ha ira fans kundi pati ha mga Pilipino nga singers.
Iginpaangbit gihapon hi Jhoanna an ira pasasalamat ha fans nga BLOOMs ngan ha suporta han Billboard Philippines ha OPM.
