NATIONAL NEWS– Ginkikinahanglan nga magpagawas hin writ of summons an Senado agud nga obligaron hi Vice President Sara Duterte nga batunon an Articles of Impeachment nga ginpasaka ala-kontra ha iya han House of Representatives.
Sumala kan House Minority Leader Marcelino Libanan ine in nasusubay ha rules han Senado kasumpay han impeachment trial.
Dugang pa ni Libanan, subay ha nasabi nga aludayday kinahangolan nga manduhan han Senado an respondent nga magsumiter hin baton ha sulod hin 10 ka-adlaw tikang han makarawat hine an kopya hiton reklamo kasumpay han impeachment.
Subay ha impeachment timeline nga ginpagawas ni Senate President Francis Escudero, obligado hi VP Duterte nga batunon an reklamo ha Hunyo 4.
Magtitikang an hearing ha Hulyo 30, duha ka-adlaw mahuman iton State of the Nation Address ni Pangulong Ferdinand Marcos Jr. at an pagtikang hiton ika-20 nga Kongreso.
