Gin kumpirma ni Senador Raffy Tulfo nga waray hiya plano dumalagan kumo presidente ha 2028, ha kaluyo han haros tabla niya nga rating ha mga nagawas nga survey kan Vice President Sara Duterte.
Ha usa nga pahayag, nagpasalamat hi Tulfo ha padayon nga pagtapod han publiko pero gin klaro niya nga mas karuyag niya igpadayon an iya trabaho kumo senador.
“Well, una sa lahat, buong pakumbaba, ako po ay nagpapasalamat sa tiwala. Pero I said it before and I’m gonna say it again, wala pa akong balak na tumakbo as President sa 2028,” sumala kanTulfo.
Lugod, gin kumpirma han senador nga utro hiya madalagan para ha re-election ha Senado.
“Final answer… hindi talaga. Maski na magpahanggang langit,” pahayag ni Tulfo.
Sumala pa ha senador, kontento hiya ha iya presente nga posisyon ngan natuod hiya nga mas damo pa an iya mahihimo kumo magbabalaod.
Dugang pa niya, mas mabug-at gihapon an responsibilidad han pagigin presidente, nga daw mayda kasumpay nga mas damo nga “sakit hin ulo,” rason agud dire niyua hingyapon an mas hitaas nga posisyon ha yana.
