Iginmando han Energy Regulatory Commission (ERC) an temporaryo nga suspensyon han disconnection ha mga residential ngan non-residential consumers nga dire pa makakagbayad han ira electric bills tikang Mayo kutob Hulyo 2026.
Tutugutan gihapon han ERC an installment payment scheme nga kutob tulo kabulan agud matagan hin mas flexible nga paagi han pagbabayad an mga kunsumidor.
Sakop han polisiya an mga konsumo nga dire malahos ha 200 kilowatt-hours kada bulan, kun diin pwede tunagon ha tulo ka-hulog an kabaraydan.
Subay ha ERC, panuyo han pitad nga mapagaan an apekto han hitaas nga sukot ha kuryente nga duro han tensyon ha Middle East nga nakaapekto ha presyo han enehiya.
Dugang pa han ahensya, an kabaraydan ha distribution utilities nga dire mababayaran in dayun in pwede igpasa ha mga power generators agud maibanan an financial burden han mga consumer.
Gin klaro han ERC nga kaparte ini han emergency measures agud masigurado nga dire mawawarayan hin kuryente an mga konsumidor ha butnga han paghitaas han presyo han kuryente.
