ODD NEWS – Usa nga flower vase nga napalit ha kantidad nga $3.99 o P200 an nahisabtan nga rare ngan marahalon nga artwork nga nagkakantidad hin $107,000 (P5.9 million).
Sumala kan Jessica Vincent, namamalit hine ha Goodwill store, usa nga secondhand thrift shop ha Virginina, USA, han mapansin hine an usa nga vase mahitungod han kolor hine nga red ngan seafoam green.
Member han usa nga glassware Facebook page hi Vincent ngan ginpost hine an litrato han iya bag-o nga palit nga vase. Damo ha mga member han nasabi nga pages nakakilala ngan nagyakan nga himo ine han designer nga hi Carlo Scarpa para ha Italian company nga Venini.
Gindara ni Vincent an vase ha Wright auction house ngan didto ginberipika nga himo ni Carlo Scarpa an vase. Nahibaruan gihapon nga parte ine han “Pennellate” series ni Scarpa.
May balor naman ine nga $50,000 pero naibaligya ine ha usa nga subasta ha kantidad nga $107,100.
Nalipay naman hi Vincent nga labot la nga kumita ine ha napalit nga vase in naibalik ine niya ha art world kun diin mas matatagan ine hin importansya han mga art enthusiasts.
