NATIONAL–Gin-iskedyul han Sandiganbayan Sixth Division an pagtitikang han trial ha Marso 3 kontra kan anay Ako Bicol Party-list Rep. Zaldy Co ngan 15 pa nga iba nga kanit hiton ginaalegar nga substandard nga P289-M flood control project ha Naujan, Oriental Mindoro.
Ha mando nga mayada petsa nga PEBRERO 10, ngan ginpagawas han PEBRERO 16, ginmalatumat han korte nga human na an pagdungog ha petisyon para ha pyansa han 9 nga anay opisyales han Department of Public Works and Highways (DPWH), mahuman nga ginpahayag han prosekusyon nga waray na ine aatubangon ga testimonial evidence.
Gintagan an prosekusyon ngan epensa hin tag-duha nga adlaw agud nga magpasa hin ira mga dokumento ngan komento bago ig-resolba an bail petition.
Gin-iskedyul gihapon an presentasyon hin ebidensya han prosekusyon ha ika 3 ngan 5 hiton Marso, ngan susundan ine kada Martes ngan Huwebes alas 8:30 hiton aga.
Ha ginbuhat nga bail hearing, nagpamatuod hi Victoriano Acosta han Commission on Audit (COA) Region IV-B nga nagpagawas an komisyon hin notice of disallowance nga P84-M tikang ha P289-M nga pondo mahitungod ha ginaalegar nga waray pagkasunod ha plano nga specifications han proyekto.
Sugadman, ginmalatumat han depensa nga pwede pa ine ig-apela ngan dire pa pinal nga desisyon, butang nga ginkilala naman han auditor.
