Ginpapaghisgotan yana han Department of Energy, National Power Corporation ngan Aboitiz Power Corporation an posible nga pagpirma han memorandum of understanding para ha nuclear energy development ha nasud.
Sumala ha DOE, magbibiling an mga ini hin mga lugar kun diin posible magtindog hin nuclear power plants.
Kaupod ha mga igkokonsidera han DOE an na-discontinued nga Bataan Nuclear Power Plant nga ginpatindog han Marcos Sr. administration.
An nasabi nga kooperasyon in agud mapakusog an evidence-based ngan an pag-adman an diskarte nga gingagamit han iba nga nasud para ha nuclear energy development nga puydi gihapon magamit han Pilipinas.
An paningkamot han nasud para ha talwas ngan sustainable nga nuclear energy options in kaparte han long-term energy mix tikang 2032, kun diin ginsigurado han DOE nga padayon an pagduduso nira ha pan-ihaan nga energy security, marig-on nga suplay han kuryente ngan an clean energy development para ha tanan nga mga Pinoy.
