Ginkilala kumo 2025-26 NBA Coach of the Year hi Boston Celtics head coach Joe Mazulla.
Hi Mazulla an coach tikang ha Boston nga nakakuha ha nasabi nga pagkilala mahuman an 46 katuig.
Gin perdi han Boston head coach hira Detroit Pistons coach J.B. Bickerstaff ngan San Antonio Spurs HC Mitch Johnson. Nakuha manggud han batikan nga coach an 62 first-place samtang an sumunod ha iya nga hi Bickerstaff in nakakuha la hin 29 nga botos.
Manunumduman nga ha kahuhuman la nga season in pinangunahan ni Mazulla an roster overhaul ha Celtics kahuman an paglakat nira Kristaps Porziņģis, Jrue Holiday, ngan Al Horford, kaupod an pagkawara ni Jayson Tatum mahitungod ha ira halaba nga rehabilitasyon tikang ha Achiles injury.
Pinaagi han gindumara nga overhaul, nahimo han Boston nga humanon an nasabi nga season kumo No. 2 seed ha Eastern Conference, 56-26.
Ha lain nga bahin, urhi nga nakuha han Celtics coach an Coach of the Year award dida han 1979-1980 season kun diin nagseserbi hadto nga head coach han koponan ni Bill Fitch.
Hi Mazulla an usa ha pinakabata nga coach nga makakuha han nasabi nga award ha iya edad nga 37.
