Ha butnga han kasamok ha pulitika ha pagsulod han iya ika-upat katuig ha pwesto, iginduon ni Presidente Ferdinand Marcos Jr. nga dire hiya an angay magpaubos han tensyon kundi an mga tawo mismo nga nagpatikang hini.
Sumala ha presidente, dire hiya bisan san-o nagpatikang hin kasamok o umatake kontra ha anuman nga grupo mahitungod nga an ginbubuhat la niya in magtrabaho.
Waray na ngarani han presidente kun hin-o an iya gintutudlok nga nagpapaduro han sitwasyon pero ginmalatumat hini nga damo an dabi.
Binanatan gihapon an presidente an pira nga politiko nga gintawag niya nga “obstructionists” nga daw waray iba nga ginhimo kundi magsamok ngan kontrahon an ngatanan han pitad han administrasyon.
Duon pa ni Presidente Marcos, dire para ha kapakanan han publiko nagios an mga ini kundi para ha kalugaringon nga interes.
Naaatubang an administrasyon ha dako nga tensyon ha pulitika kasunod han away han presidente kan Vice President Sara Duterte, pagbabag-o han pwersa ha Senado, ngan tikaharani nga impeachment trial kontra ha Bise Presidente.
