TACLOBAN CITY– Ginpaangbit hiton Samar II Electric Cooperative, Inc. SAMELCO II, nga ha pagkayana mayda pala hira 7 nga mga bungto an naibalik na an suplay han kuryente.
Sumala kan Samar II Electric Cooperative, Inc. SAMELCO II, Institutional Services Department, Dickson Bernales, nga ira gintalinguha nga mabalik an suplay han kuryente ha ira nasasakupan, pero an mga ine in ha Población la anay nga dapit sugad han
Catbalogan City, Paranas Samar, Hinabangan, Sta. Rita, Basey, Marabut ngan Calbiga Samar.
Dugang pa ni Bernales,usa ha mga rason kun kay-anu gin-una nira nga maibalik an suplay hiton kuryente ha mga Población, agud nga makabalik dayon an operasyon han mga opisina hiton gobyerno, sugadman an mga 1st responders sugad han MDRRMO, Office of the Mayor, agud nga makaghatag an mga ine hin abiso ha ira nasasakupan.
Samtang nagpapabilin naman an clearing operation, ha Jaibong, Motiong, San Jose de Buan, San Sebastian, Pinabacdao, Villareal, Talalora, Daram Island ngan Zumarraga Island.
Mababaruan nga maabot 15 nga mga bungto ngan 1 nga syudad, an sakop hiton SAMELCO II.
