NATIONAL NEWS– Ginsigurado ni Leyte First District Representative Martin Romualdez nga ginduduso hine nga mahilakip ha legislative agenda han Kamara an mga balaodnon nga magtutugway ha panuyo nga makab-ot iton upper-middle income status han nasud ugsa nga mahuman an tuig o ha 2026.
Kausa hi Romualdez ha nagin pahayag ni Finance Secretary Ralph Recto nga posible makab-ot hiton nasud an UMIC status nga target base han datos tikang ha World Bank ngan ha economic performance.
Ginduduso gihapon hine an legislative priorities nga makakabulig nga mapabilin an momentum.
Pag-esplikar han kongresista nga angay tumutok an 20th Congress ha mga balaodnon nga magtutugway ha inclusive growth, magpapaupay ha public services ngan masuporta ha investments ha imprastraktura, digitalization ngan human capital development.
