Mas nagin mapaso yana an mulay ha MGI All Stars mahuman nga ig anunsyo an pagbulig ni Sthefany Gutierrez, nga nagin second runner-up hi Catriona Gray ha Miss Universe 2018.
Ha iya profile kumo kandidata, gindayaw hi Sthefany ha iya “poise, intelligence, ngan charisma,” pati na gihapon ha iya dedikasyon ngan disiplina ha kalibutan han pageantry.
Ha nasabi nga kompetisyon han Miss Grand International All Stars, makakaatubang niya an iba pa nga beterana nga beauty queens tikang ha magkakadiru-dilain nga nasud, kaupod an lima nga tinaglawas tikang ha Pilipinas nga hira Imelda Schweighart, Gazini Ganados, Fuschia Ravena, Alexia Nuñez, ngan Keylyn Trajano.
Iba an format han MGI All Stars kumpara ha regular nga Miss Grand International, nga presente nga reining queen han Pilipinas nga hi Emma Tiglao.
An ll Stars edition han MGI in abri para ha mga kababayen-an ngan transgender women nga mayda edad 20 kutob 40 nga dati na gihapon bumulig ha international pageants pero waray pa makakuha hin korona.
Nakatalaan an coronation night han MGI All Stars ha Mayo 30 nga pagbubuhaton ha Thailand, kun diin magtutumparak an mga kilala nga kandidata.
