Ginpahayag han Department of Foreign Affairs (DFA) nga yinukot-yukot nga Pilipino nga seafarers an presente nga stranded ha Strait of Hormuz samtang nagpapadayon an tensyon ha Middle East.
Sumala kan Foreign Affairs Secretary Maria Theresa Lazaro, sobra-kulang 4,862 nga Filipino seafarers an kalakip ha 20,000 seafarers tikang ha magkadiru-dilain nga nasud nga napiit ha importante nga ruta.
Kadam-an ha mga barko nga naipit gihapon in mga oil ngan gas tankers ngan cargo ships nga dire makaagi mahitungod ha nagtitikaduro nga kasamok ha rehiyon.
Ginmalatumat han DFA nga padayon an pakikigsumpayan han gobyerno ha mga hintutuinan nga nasud agud masigurado an katalwasan ngan posible nga talwas nga pagkiwa han mga Philippine-flagged ships.
Subay ha datos, tikang ha komon nga 3,000 nga barko nga naagi kada-bulan ha Strait of Hormuz, umubos ini ha 200 ha syahan nga semana han Abril.
Manunumduman nga nagdumara na hin diplomatic requests an Piliponas ha Iran agud tugutan an pag-agi han pira nga barko han nasud sakay an mga Pilipino nga tripulante.
Bisan man kun waray la gihapon konkreto nga kasabutan, ginsigurado han DFA nga padayon an ira negosasyon ha Iran.
