Ginkikita han gobyerno an mga posible nga bulig para ha mga middle-income earners nga apektado han padayon nga paghitaas han presyo han gasolina ngan papliton.
Sumala kan Finance Undersecretary Karlo Fermin Adriano, usa ha mga nahisgotan ha sulod han UPLIFT Committee an posibilidad nga pahilawigon an fuel discounts, dire la ha public utility vehicles kundi pati na gihapon ha mga private motorists.
An UPLIFT Committee, in ginbug-os ha ilarom han Executive Order No. 110 (2026), nga amu an nangunguna ha baton han gobyerno ha krisis ha enerhiya nga durot han tensyon ha Middle East.
Panuyo han komite nga mapabilin nga stable an presyo han fuel ngan pagkaon, ngan maghatag hin bulog ha magkadiru-dilain nga sektor sugad han mga parag-uma, paru-pangisda, ngan transport workers pinaagi han mga targeted subsidies ngan mga interbensyon.
Subay ha DOF, ginkikilala han gobyerno nga dire la mga drabyer han pampubliko nga sarakyan an naaapektaran han hitaas nga presyo han gasolina, kundi pati na gihapon han mga pribado nga motorista.
