Posible nga igpadayon han US ngan Iran an negosasyon ha pankahimyangan mahuman mapakyas an nakalabay nga round han kasabutan dida han weekend nga panuyo ig undang an tensyon ha Strait of Hormuz.
“You should stay there, really, because something could be happening over the next two days, and we’re more inclined to go there,” sumala kan Trump ha interview han New York Post.
Sugadman, waray pa sigurado nga petsa para han utro nga pag-iistorya.
Ha kaluyo han tensyon, mababaruan nga umubos an presyo han lana ha world market mahuman an indikasyon nga magpapadayon an diplomatic talks.
Syahan na nga nagpatuman an Estadod Unidos hin blockagde ha mga pantalan han Iran kumo baton ha pagsasara han Strait of Hormuz, usa nga importante nga aragian han haros 20% han global oil supply.
Subay ha U.S. Central Command, sobra 10,000 nga sundalo, mga warships, ngan aircraft an nakadto ha rehiyon agud gamiton an ira plano nga operasyon.
Ha syahan nga 24 oras, waray barko nga nakalusot ha blockade, samtang pira nga merchant vessels an napiritan nga bumalik ha Iranian ports.
Labot pa hini, nagpahimatngon naman an Iran nga posible hini targeton an mga barko han Amerika ngan mga kaalyado hini, kun magpapadayon an ira operasyon samtang gintawag an blockade nga usa nga “piracy.”
Ha butnga han krisis, nagpahimatngon an International Monetary Fund nga posible mahibutang ha kadelikaduhan an global economy ngan posible nga mahingadto ha recession kun magpapadayon an kasamok ngan hitaas nga presyo han krudo.
Ha kaluyo han grabe nga tensyon ngan hulga han karasahan, nagpapabilin nga abri an diplomatic channels ha butnga han US ngan Iran, ngan ginlalauman nga magpapadayon an backchannel talks ha mga maabot nga adlaw,
Samtang, bumaribad naman an mga kaalyas han Amerika ha NATO sugad han Britian ngan France nga umapi ha blockage, sugadman in andam hira bumulig ha pagproteher ha Strait of Hormuz pinaagi la han multilateral mission.
