INTERNATIONAL–Ginpanlaprak han fighter jets han Qatar an Iranian bombers nga pakadto sana ha US airbase.
Sumala ha Qatari military, nga dagmit nira nabalabgan n bomber han Iran nga pakadto sana agud nga bombahon an al-Udeid, an pinakdako ga US military base ha Qatar.
Nabalabgan gihapon han air defenses han Abu Shabi an mga pahirani nga missles ngan drones tikang ha Iran.
Ginmalatumat han ministry of defense han Abu Dhabi an mga masaliwan nga missles ngan drones tikang ha Iran.
Umabot naman ha 1,230 an naawat hin kinabuhi ha parte han Iran tikang han paglunsar han Israel ngan US an pag-atake hine han Sabado.
An nasabi nga ihap in lumagpas na ha nahipatik nga 1,190 nga namatay han syahan nga gi-atake han US ngan Israel an Iran han Hunyo 2025.
Ginpapadagmit naman han United Kingdom an pagpapaibakwit han mga mulupyo nira nga naiipit ha komosyon ha Middle East.
Sumala kan British Prime Minister Keir Starmer, nga mayada mga charted flights na hira nga ginkuha agud nga igpadagmit an pag-ibakwit.
Gineksplikar gihapon hine nga nagpapabilin la gihapon hira ha defense mode kun diin ira gindedepensaran an mga military base han UK ha Middle East.
