TACLOBAN CITY– Ginpagawas na hiton Philippine Statistics Authority PSA an ira datos kasumpay hiton nagin gios han inflation rate ha bug-os nga Sinirangan Bisayas.
Subay ha datos han mao nga ahensya, an inflation rate han October ngan dida han November 2025 in parehas la an resulta.
Humitaas naman an inflation rate ha Biliran tikang ha 1.0 dida han October ngan nagin 1.5 naman yana nga bulan.
Gin sundan ini hiton Samar tikang 1.9 % in nagin 2.1%, samtang an Leyte naman in humitaas ha 0.3%, ngan an Tacloban in humitaas gihapon tikang ha 1.2 yana in ada na ine ha 1.5%.
Nakaghipatik naman hin paghamubo hiton inflation rate an Eastern Samar tikang -0.7 yana in ada ine ha -1.0, Northern Samar naman in nakaghipatik hin 0.0%, ngan an Southern Leyte nga tikang ha 0.1% in humamubo pa ine hin -1.0%.
Ha kabug-usan, nagpapabilin ha 0.5 IR o Inflation Rate an Eastern Visayas dida han November 2025.
